2014年7月31日 星期四

2014/7/23-27首爾之旅

記低2014年暑假嘅行程,人同事係唔會忘記嘅,但風景 、食物,都係記低好d。隔年就嚟,首爾對我確實已經冇乜吸引力,最慘返嚟格價至知,好多護膚品香港都有得賣,亦唔係貴,香港冇得賣嘅,就已俾強國人搶到貴晒,買唔落手,所以今次洗費比起前兩次買到顛明顯大幅減少左。


好友好努力搵左兩個新景點,但效果真係麻麻...嚟五日,落足四日雨,偏偏去全州果日就又熱又曬...

第一日落機, hotel skypark 3 點解會殘左咁多嘅呢?下次唔會再住喇,逃離人頭湧湧嘅明洞,去左新沙洞、狎鷗亭行下,食左碗雪濃湯,搭車返明洞逛逛,第一日就完左。




第二日嘅行程,上午係去南怡島,下午去左一個叫 GOTO MALL的購物中心逛,係好多平價衫,但質素都係好一般,所以我地都冇買到乜野。早餐仍然係喺孖住酒店嘅 paris baguette 攪掂,但價錢貴咖啡唔熱...

南怡島係一個唔錯地方,雖然要轉車轉船,但都值得一去,可惜我
地去果日上晝落大雨,行到成腳泥...我唔好韓劇,一套都未追過,所以覺得南怡島好純粹係風景唔錯啫,評語應該中肯^0^

當晚喺 GOTO MALL 附近新世界百貨公司入面嘅餐廳食左一餐非常滿意嘅牛排餐!四萬幾韓圜有沙律、pasta、牛排同茶,唔錯喇,可惜餐廳趕住9:30收工,食得好急係美中不足嘅地方。























第三日係今個旅程最失敗嘅一日。好友花左好多心思,預先喺香港登記左,抽中由韓國政府攪嘅免費車接送去全州韓屋村一日遊。朝八晚八,坐左六個鐘頭車來回,但完全係嘥時間,冇野值得睇!而且全州喺南面,天氣好好好熱,又悶又熱嘅一日!回程求其喺明洞呃遊客餐廳食飽就算,「古宮」又貴又唔好食又唔乾淨...






去到第四日,早上去左shilla duty free,仲慘過去街市,強國人加強國sales!!中午返明洞食左唔洗排隊但唔覺好食嘅 school food。 跟住點都要開始購物喇,買左姊妹們 order 嘅及手信,我地都盡量唔係明洞買野,服務差贈品少加人多!非常令人唔舒服嘅購物經驗!

呢日我地去左弘大、新村、梨大,係慢慢行、慢慢逛,冇搭車。食左一餐全個旅程中個人最滿意嘅炸雞餐,一d都唔油膩,沙律亦好好味!晚餐又係明洞,食左一間頗污糟嘅雞湯麵...






最後一日,由於夜晚八點機,所以仲有大半日,好友 plan左去由blog友推介嘅「中部市場」,一d都唔難去,乙支路4街出口就係,可惜今趟旅程我地好黑仔,星期日加上大改善工程,得好少檔口營業,我地喺冇選擇下,買左d人參、魷魚絲就走喇。中午去左乙支路最旺嘅樂天百貨,食左牛肉鍋午餐,再周圍逛逛,就開始出發去機場。

唔算精彩嘅行程,首爾睇嚟又要歇多幾年至會再去喇...

呢個blog吊緊鹽水,借嚟幫自己記低d野,完全冇興致去管理...隨緣啦!

12/8-18/8 東京之旅後會再嚟... 











3 則留言:

  1. 包包, 好耐無見你update喇, 真係開心見到你 :)
    去到韓國, 真係好多嘢都比強國人搶晒, 護膚品我都係去到機場免稅店買"后", 其他都無買
    去東京記得大買特買, 玩得開心D :)

    回覆刪除
  2. 今年暑假本來都打算去首爾,但小朋友不想去,結果我們今年去日本東京,跟你差不多時間去!^^

    回覆刪除
  3. 包包你好,

    SeeWide特搜網是一個全新互動生活分享平台,集齊各地遊山玩水好去處及講玩、講食、講扮靚、講生活,讓大家分享不同的生活體驗。

    你的網誌十分切合我們網站主題,內容及相片也很有質素,請問可否讓我們轉載網誌內的相片及內容?(會注明出處及不作改動)

    我們的目的,是盡力網羅優質的相片及內容,建立一個包含豐富生活資訊的玩樂休閒分享平台,讓一眾志同道合的網友可更輕易獲得寶貴的參考資料。現階段,SeeWide 已擁有超過十萬篇生活攻略,瀏覽量亦超過數十萬。

    希望你能成為我們平台的一份子,助我們更有效地集結各樣不同的好玩好食生活資訊!

    另外,我們亦設有「稿費」制度,透過發表文章所累積的本地瀏覽量,即可兌換稿費!

    而我們亦可以你的名義,將稿費捐到香港宣明會,或你指定的慈善機構
    詳情可參閱:http://www.seewide.com/space.php?do=help&essay_id=22#001

    如有任何查詢, 歡迎電郵至: info@seewide.com

    回覆刪除